iKaz.kz Қазақстандық ашық мәліметтер порталы

 

 

Слайд: Құстар туралы презентация

Бұл мәлімет 242 рет қаралды

Презентация тақырыбы: Құстар класы (Aves) — бұл систематикалық топқа биологиялық және анатомиялық қасиеттері жағынан ұшуға және қатты субстратта қозғалуға бейімділігі бар омыртқалы жануарлар жатады. 9000-ға жуық түрі белгілі. Жер шарының барлық аудандарында тараған, деседе, ең көп саны тропикада жинақталған. Құстардың құрлықтағы қозғалысы екіаяқты (артқы аяқтары). Алдыңғы аяқтары өзгеріп қанатқа айналған, онда үш саусақтың қалдығы сақталған. Тұлғасы жинақы, қанаттарының бұлшықеттері бекитін үлкен төсі болады. Бассүйек қаңқасының сүйектері мен қаңқасы ауаға толы. Сүйекті қүйрығы қысқарған. Қаңқа көкірек клеткасының аймағында жақсы жетілген. Бас-сүйек қаңқасының сүйектері біріккен. Мойын омыртқалары өте қозғалмалы. Бел, сегізкөз және құйрық омыртқаларының біразы бірігіп кеткен.

kustar-turalyДене жамылғысының қызметін бездері болмайтын, құйрықтың түбінде орналасқан құймышақ безінен басқа, жұқа тері атқарады. Терінің туындылары денедегі қауырсындар, аяқтарындағы мүйізді қабыршақтар және саусақтарының ұшындағы тырнақтар болып табылады. Бұлшықеттер, әсіресе, төс, мойын және аяқтарының бұлшық еттері өте жетілген. Асқорыту жүйесінде тіс болмайды, бірақ жемсау(өңештің кеңейген бөлімі) бар, ол қоректі жұмсарту қызметің атқарады. Үлкен екі қалақты бауыр және жақсы жетілген өт қапшығы болады. Тыныс алу жүйесі ұшуға бейімділікті қамтамасыз етеді. Осыған орай өкпесі тығыздалған кеуекті орган, ол жұқа қабырғалы ауа қапшықтарымен толған, бұл мүшелер, сүйектердің қуыстарында, тері астында, бұлшық еттер арасында орналасқан. Құстар үшін қосарлана тыныс алу тән, өйткені қанаттарын қаққанда ауа өкпе арқылы өтеді. Бұл ұшу кезінде қарқынды түрде газ алмасуына мүмкіндік береді.

Шығару жүйесі жұп екінші бүйректен және жұп несепағардан тұрады, олар тікелей клоакаға ашылады, қуық болмайды. Зәрдің құрамдас бөліктері экскременттермен бірге сыртқа клоака арқылы шығады. Слайд беттерінде құстардың нерв жүйесі мидың әрі қарай дамуымен сипатталатыны, онда салыстырмалы түрде үлкен жарты шарлар мен көру бөлімдері болатындығы, мишықтың жетілу процестері сипатталады. 12 жұп ми нервтері бар. Құстар — дара жыныстылар, жыныстық диморфизм жақсы жетілген. Құстардың шаруашылық маңызы өте маңызды, олар — ет, жүмыртқа, мамық, қауырсын көздері. Жабайы құстардың жекелеген түрлерінің кәсіптік, сонымен қатар медициналық та маңызы бар, себебі орнитозбен ауырады, оған адам сезімтал келеді. Бірқатар паразиттердің қосымша иелері болып, олар адам үшін қауыпті, токсоплазмоз және листериоз сияқты аурулардың табиғи ошақтарының тұрақты болуына ықпалын тигізеді.

Тайга құстары тайга энцефалиті вирусының резервуары болып саналса, Орта Азия құстары кене айналмалы сүзегі вирусының резервуары болып табылады. Құстар ауру қоздырғыштарын өте алыс жерлерге тасымалдайтыны белгілі. Құстарға жоғарғы экологиялық ырғақтылық тэн болып келеді. Құстардың классификациясы өте күрделі, өйткені бұл кластағы негізгі систематикалық бірліктердің саны жайында бірдей пікір жоқ.

Құстардың арғы тегі ертедегі жүгіргіш бауырымен жорғалаушылар болуы мүмкін. Бауырымен жорғалаушылар мен құстардың арасындағы форманы археоптерикс (Archaeopteryx) деп санайды, оның қазба қалдығы соңғы юра қабаттарынан табылған (жасы 85 млн жыл). Сол сияқты басқа да құстардың (Liaoning) қазба қалдықтары да табылған, олар бірқатар белгілерімен археоптерикске де, сол сияқты қазіргі құстарға да ұқсастықтары болған. Құстардың геномдарының мөлшері сүтқоректілермен салыстырғанда біршама кішірейген. Құстарда ДНҚ-ның массасы бір клеткаға 2,82,х0,33 пг болса, ал сүтқоректілерде ол бір клеткаға 8 пг-н келеді. Құстарда геном мөлшерінің редукцияға ұшырауы ұзақ кезең бойында бірте-бірте жүзеге асқан және бүл кезеңде геном мөлшерінің кішіреюіне қарай сұрыптау жүрген деп жорамалдайды. Сол сияқты геномның мөлшері ұшуға бейімделудің біреуін қамтамасыз етеді деген де пікір бар. Бұл болжамның дұрыстығын дәлелдейтін факт сол, ұшпайтын қүстардың геномдарының мөлшері ұшатындарға қарағанда біршама үлкен болып келеді.

Слайд / Презентация

Ответить

Ваш email нигде не будет опубликован. Обязательные поля отмечены *

Вы можете использовать HTML теги и атрибуты <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>